瞓晏覺就一定係因為懶？

近排多咗時間喺屋企，一到晏晝食完中午係咪好快就眼瞓呢？想瞓覺又俾阿媽話懶，呢個時候就可以話俾佢知瞓晏覺嘅好處啦！原來瞓晏覺除咗可以令自己精神翻之外，仲有好多好處！下次覺得攰嘅時候不妨放低手機好好休息下！

1.修復身體免疫功能，增強體質

美國佛羅里達大學嘅免疫學研究小組對睡眠、催眠同人體免疫力嘅關係進行咗一系列研究。結果表明，對個別存在睡眠障礙嘅人施行催眠干預後，試驗對象血液中T淋巴細胞同B淋巴細胞水平都有明顯升高。免疫系統可以喺睡眠期間得到某種程度嘅修補，並對睡眠有調節作用。德國精神病研究所嘅睡眠專家就發現，中午1點係人喺日間時間一個明顯嘅睡眠​​高峰。呢個時間瞓個晏覺，可以有效咁刺激體內淋巴細胞，增強免疫細胞活性。

2. 促進細胞更新，修復皮膚

皮膚嘅新陳代謝喺睡眠狀態下最為旺盛。因為當你瞓著咗嘅時候，肌肉、內臟器官等等嘅消耗都會減少，皮膚血管完全開放，血液可以充分到達皮膚，為其提供營養，進行自我修復同細胞更新。呢個就係點解較高質量嘅晏覺，可以令成個人都顯得精神煥發嘅原因之一。

3. 修復氧化損傷，延緩衰老

美國 “Nature” 網站刊文指出，睡眠嘅另一個可能嘅功能係抗氧化，並提供對機體氧化損傷嘅修復。有實驗證明，被剝奪咗睡眠嘅動物，會表現出更明顯嘅氧化損傷。這呢個可能是因為在喺睡眠中，好多蛋白質開始合成，其中就包括抗氧化所需要嘅一啲蛋白質。晏覺有助於補充夜間嘅睡眠不足，起到一定嘅促進修復作用。