私藏系列！7款簡約風超特別GIF圖搜索名~

平時IG Story 用GIF圖多數都係直接打想要嘅關鍵詞就算，不過有時候啲GIF圖太普通、不盡人意~想要靚靚嘅GIF圖，就要好好收藏以下嘅「搜索名稱」啦！

chxrry

chxrry裡面有少量Toy Story嘅公仔，仲有簡約風嘅字體，當中有好多我地經常用嘅字，好似「Study Time」、「Monday」、「Saturday」等等，相信平日都會經常使用！

lostilil

呢個類別嘅GIF色系偏向咖啡奶茶色，特別適合女仔去飲咖啡嘅時候打卡用，裡面以文字GIF為主，例如「Weekend」、「Brunch」等，亦有咖啡嘅圖案~成日去cafe嘆咖啡嘅你要Bookmark啦

Wei3h

呢款好特別！大部分都係白色嘅中文字GIF圖，適合去台灣旅行使用，因為呢系列嘅GIF係由台灣人設計，當然亦有平日常用嘅「晴」、「不想上班」等

minim

minim係一個比較強調線條感嘅GIF圖，當中有佛系女孩嘅形象，主打休閒「chill」路線，「不愛工作，不願動腦」，呢個係咪都係你嘅生活寫實呢？

ruill

呢款絕對係貓奴必備嘅GIF，大部分GIF圖都係以貓咪為主，當中更有可愛嘅情侶模樣，有無畫中你心目中嗰隻貓咪呢？

saramaese

Saramaese 系列嘅GIF根本就是為咗Home Office嘅你而設，如果你喺屋企有做運動嘅習慣，呢系列嘅GIF圖就十分寫實咁畫出咗你喺屋企忙住運動減肥嘅情景啦~ 為你嘅減肥story帶來更多色彩！

lizapro

lizapro適合走vintage風、簡約風嘅女孩，佢係一系列橘色系GIF圖，除咗有常用嘅語言文字外，亦有一些圖案元素，可以令Story變得更加豐富！

唔知呢7款GIF圖又夠唔夠大家用呢？