端午節冷知識

通常講起端午節,我地都淨係會諗起紀念屈原,食糭同埋扒龍舟🧐 但係原來端午節唔止咁簡單?等小編話你聽更多端午節嘅冷知識啦!🤩

端午節除左食糭仲會食咩?😋
喺古時候,啲人都會喺端午節食「五黃」,「五黃」分別係指黃鱔、黃魚、黃瓜、鹹蛋黃同埋黃酒。呢五種食品都有清熱解毒、補血氣、健康平安、延年益壽嘅意喻~由於喺中醫嘅角度認為,端午節所在嘅農曆五月初五係一年中陽氣最盛嘅時候,所以喺當日食「五黃」,就可以利用端午節節氣嘅力量,抑制霉運、提升自己的精力。

喺端午節嘅時候,雞蛋可以直立?🥚
相傳喺端午節當日正午時份係陽氣最重嘅時候🔥,所以雞蛋可以豎立在地上。如果成功,姐係代表未來嘅一年將會有好運到來😏雖然係無科學根據 但係大家都不妨喺今日試下😂

端午節原來仲有好多個名?🧐
端午節係中國所有節日入面最多別稱嘅一個,包括有端午節、端五節、端陽節、重五節、重午節、天中節、夏節、五月節、菖節、蒲節、龍舟節、浴蘭節、粽子節 、午日節、女兒節、地臘節、詩人節、龍日、午日、燈節等等😲 都差唔多有成二十幾個架😱