簡約風Coffee Shop當道！Blue Bottle終於來港~ %Arabica有勁敵了？

人稱「咖啡界Apple」嘅美國超人氣小藍樽咖啡Blue Bottle Coffee終於嚟到香港啦！中環店今日開幕試業，今日經過中環而又咁啱係咖啡迷嘅你絕對要去打卡影相，事關佢個咖啡杯打卡一流~

Blue Bottle Coffee 以簡約嘅藍白裝修同埋高質嘅咖啡豆聞名，好快就紅遍美國，而依家全球有40個地方都有分店，舊年宣布進駐香港，令到唔少咖啡迷一直期待緊！

依家好多簡約風嘅咖啡店都有塊落地大玻璃，俾人Chill住咁邊嘆咖啡邊睇風景，而Blue Bottle Coffee喺香港首個選址就係喺中環擺花街，樓高兩層，面積約三千幾呎，夠曬闊落！唔洗驚平日冇位坐~

.

而今日嘅試業營業時間係早上8點到下午5點，不過首日朝聖，好可能要排下隊啦，為咗杯靚咖啡，相信對於咖啡迷而言都係值得嘅！

.

Blue Bottle Coffee嘅亞洲區海外分店例如日本、韓國、台灣等都運作得十分成功，主張空間闊落，提供開放式吧檯俾客人欣賞咖啡師調配咖啡嘅過程，欣賞咖啡文化嘅博大精深！

同Blue Bottle Coffee嘅風格相近嘅Coffee Shop相信大家都會諗起%Arabica，近年喺香港分店越開越多，其中西環分店最受歡迎，有落地玻璃之外更可以望住個海，將嘆咖啡嘅儀式發揮得淋漓盡致，而「咖啡界Apple」嘅出現，可以話係加入強勁對手！不過對於咖啡迷而言~有得揀都係一件好事嚟嘅！

圖片來源：Blue Bottle Coffee官方IG FB