終極二次創作 設計師Nicole Mclaughlin玩味拖鞋！

今期流行啲乜？！最潮嘅一定係呢位改造達人啦，同樣都係將單品折分再併接，但設計師Nicole Mclaughlin所創作嘅鞋款都係獨一無二架，當中更唔限於物料嘅運用，玩味十足，誇張到只有你諗唔到，無佢做唔到嘅嘢！！當中有啲設計更加係十分之潮！

呢對由牙膏同牙刷組成嘅拖鞋就係設計師Nicole最新嘅傑作，無需猶疑，呢兩支牙膏係真係可以唧出嚟！

而呢對望落好似真冰嘅拖鞋，唔係好似，啲冰都係真嘅！唔知行路嗰陣會唔會邊行邊流水出嚟呢？

呢對更係充滿玩味同實驗性質，唔知以後買雞蛋係咪咁樣會方便啲呢？

而呢對好似就咁買袋橙翻黎擺腳底嘅拖鞋，唔知有冇腳底按摩嘅功能？又或者係變成人肉榨汁機？

依對拖鞋可以話係專門為VA人而設！隨時隨地發揮小宇宙畫畫，得咗！！

除咗拖鞋之外，Nicole Maclaughlin有好多設計都係發揮無限嘅小宇宙，十分有趣！大家不妨留意一下！

睇完Nicole McLaughlin啲作品之後，係咪好質疑究竟用唔用得到架？而其實Nicole McLaughlin喺設計嘅時候最想係呈現物件嘅最自然狀態，而唔係考慮實用性為主。