繩可以用悠遊卡消費！去旅行又方便咗

相信唔少香港人一年都走幾轉台灣，人手總會持有一張悠遊卡，據ETtoday報導，日本琉球銀行將與台灣悠遊卡公司合作，今年7月將會實行沖繩可用台灣悠遊卡消費！以後去沖繩又多咗一款比錢方式，非常之方便！

.

根據《琉球新報》顯示，每年有92萬台灣人到沖繩觀光，成為沖繩嘅主要遊客來源，因此日本琉球銀行希望與台灣悠遊卡公司合作，方便台灣人觀光消費。而喺較早前2017年，琉球銀行相繼與唔同嘅付款中介公司合作，現時已有5000間沖繩嘅餐廳支援23種支付方式！喺沖繩旅行真係非常方便啊。

.

悠遊卡正式通行估計最快要到7月運行，不過未知會接受邊一類型嘅消費方式，如果可以通用於交通工具就十分方便啦！但係暫時未決定匯率計算會根據悠遊卡公司制定，定係委託其他台灣銀行制定，但至少節省咗換匯手續啊。

.

如果悠遊卡喺沖繩能夠順利運作成功，希望有機會推廣到日本全國，咁樣肯定就更加方便啦~