美股熔斷係咩嚟？

美股有所謂熔斷機制 (Circuit breaker / Trading curb)，可以想像成一個「保險絲」，當市場突然波動過大，保險絲就會被融化燒斷，喺呢個時候市場會暫時無法交易買賣或者會休市，等經過一段時間過後再恢復交易。

咁樣做嘅目的：

當市場發生劇烈波動，透過強制暫停交易一段時間，由於恐慌會造成流動性緊縮、價格變化劇烈，暫停交易比大家冷靜一下，之後重新恢復交易，並期待流動性恢復。透過暫停一段時間，可以將買賣交易雙方重新集中起嚟，促成更多嘅交易。

觸發門檻：喺開盤時間，遇到以下幾個跌幅：「7%、13%、20%」，呢個時候會陸續觸發熔斷。係7%、13%嗰陣，市場會暫停交易15分鐘，之後再恢復運作。如果當日指數直接發生20%波動，就會直接休市。

一般指數都同時包含咗好多間企業，S&P500指數係美國500間大公司，所以如果要跌7%，代表呢500間平均都跌咗7%先可能會發生，其實一啲都唔容易，更何況跌到13%、20%呢，都代表非常極端嘅情況。而最近受疫情影響，，連續3個交易日內美股3大股指升跌幅度都超過9%，係喺1929年金融危機以嚟首次觸發熔斷機制，停巿15分鐘，喺美股2星期以來第3次熔斷，亦係美股歷來第4次熔斷。