考慮移民？移民台灣小知識！

近年好多人都考慮移民，台灣就係其中一個熱門嘅移民國家，因為台灣嘅消費水平、天氣、生活模式都好符合香港人嘅理想生活要求，而且對比起其他國家，移民台灣的確係平啲，你又知唔知有咩渠道可以移民台灣呢？

💡台灣升學，係當地完成學業之後申請係當地工作。台灣政府會用「評點配額制」方式審批僑生留台嘅工作資格，合資格嘅人居留滿5年，而且月薪有港幣$11,000以上就可申請居留資格。

💡投資移民，可以係台灣開公司，創立資金額要係600萬新台幣（約港幣$155萬）以上，就可以有居留證。係有居留證之後 1 年內離開台灣嘅時間要少過30日，或者連續 2 年內每年係台灣住滿270日，就可以申請定居證，之後再入籍，真正成為台灣人。

💡創業移民，需要嘅資產相比起投資移民少。港澳人士係台灣創業，又為企業籌得新台幣200萬（約港幣$52萬）就可以有創業家簽證。其後每年要通過營業額、費用、聘用當地員工數量等嘅核查。但係相對留台嘅日子比較少同埋公司要營運滿5年，當中每年居住滿183日，就可以入籍台灣。

💡申請人要有專業技術能力，係香港或者澳門要有相關證書，好似學術、科學、文化、新聞、金融、保險、證券、期貨、運輸、郵政、電訊、氣象或者觀光專業領域有特殊成就，就可以申請係台灣居留。台灣嘅技術移民唔使係當地投資。專業人士有台灣居留證之後，都唔需要取消香港身分證，又唔使係台灣從事相關工作，隨時港、台兩地出入境。