股票投資(新手篇) – 點樣分析股票

投資有風險，點樣分析要幾時買同買邊隻股票？投資喺要睇你嘅投資策略同目標，有人鐘意做短期交易而從中獲利，有人鐘意將股票當錢儲，等佢日後增值！無論係想點，都要分析下到底自己適合買啲咩。新手入門嘅可以試下最普遍嘅兩大方析方法：基本分析同技術分析。

基本分析

即係了解股票最基本嘅嘢：例如公司嘅盈虧、現金流、資產負債、利潤幅度、回報率等企業財務數據。除咗依啲表面嘢之外，仲要對宏觀、微觀經濟、相關行業前景、有關公司喺行業嘅地位、領先之處、公司營商地區嘅法規同市場特性、利率同外匯走勢有一定認知！

另外，要將股票現時嘅股價同其他相類似行業嘅股票做比較，去分析股票嘅股價到底有冇被高估或低估。透過比較同類股票現價同預計將來嘅業績增長去睇下股票定價有冇被高估或低估。如果股票被低估即係抵買，而被高估就係時候要放手喇！

技術分析

依個方法集中分析股票嘅走勢、交易量同股票變化，而比較少注意企業嘅周邊資訊。

技術分析就係用唔同方式產生圖表，例如比較常見嘅移動平均匯聚背馳指標 (MACD)、相對強弱指數 (RSI) 等，從過去嘅表現同走勢分析將來嘅升跌，從而低買高賣獲利。

邊種分析方法啱自己係視乎個人目標、投資策略同你個人偏好。無論點都好，最緊要做足功課先去投資！以上分析方法只供參考，如有疑問可以向專業人士查詢。