芝士汁公仔麵速食必學

材料篇

1）綠色樽嘅「卡夫芝士粉」

2）最好President嗰隻cheddar cheese 片

3）牛奶 (盒裝通常 1 升，想好味最好用埋忌廉)

4）蒜蓉 1 樽，若有新鮮蒜肉更好

5）最細支嘅白酒 100ml (如有）

6）香葉、黑椒碎，可提升完成品水準

先做準備功夫：先煮麵同你要嘅材料，煮好後倒起隔水。

芝士汁做法簡單，先倒奶，份量係你平常煮麵的嘅1/3，奶一滾起，就要即時收至到去慢火，加兩塊cheddar cheese，黑椒碎，最後用芝士粉再用鹽調校味道，基本芝士汁就咁樣做好。最後將麵同其他材料放入汁入面，完成……？

上面嘅芝士汁不過係最基本白汁，想更完美，可以試試以下方法：

首先，將蒜頭同洋蔥切碎，慢慢燒熱一般嘅麵煲，如果你屋企有用剩嘅牛油，就用牛油起鑊，牛油一溶至起泡而又未轉啡色 (緊記一直中至慢火)，即倒入蒜頭及洋蔥，炒至金黃色即倒入細樽白酒 (100ml)，全部倒入去啦！

呢個時候轉大火，直至白酒揮發一半，再加入香葉五片，黑椒碎約1茶匙，倒入大半包奶，再轉中火煮十五分鐘，最後再倒大半枝芝士粉落去，記得，要慢慢加入，並不斷攪拌（若有「蛋發」請用，會更完美），直至芝士已溶就可熄火。

呢兜芝士汁，唔單止可以拌麵，想點用都可以，但留意儲存方法。假如你屋企有嘅細膠盒，可將芝士汁分開 6 至 8 盒，入盒後記得攤凍先好入雪櫃。若放入正常層格，一星期左右便就要用完，如果唔係就會變壞，如果放喺冰格，可雪藏一個月，不過要用嘅的時候，記得先解凍！