蒜頭都可以抗疫?!

蒜頭都知大家平時食得多㗎啦，但你知唔知佢除咗係煮飯食嘅香料之外，仲有咩嘢功用呢？

其實蒜頭對我哋嘅健康係好有益處㗎！可以增強免疫力、抗發炎、增強心血管功能、護膚同養髮、殺菌、仲可以治療香港腳添！因蒜頭內含有一種大蒜素，有相當大嘅抗氧化同埋抗菌消炎功效。

講個冷知識比大家知，其實蒜頭本身並唔係含有大蒜素，而係蒜氨酸，當壓碎或者切開蒜頭既時候，蒜氨酸嘅酵素就會釋放出嚟，經過交互作用就形成咗大蒜素啦！所以如果想吸收多啲大蒜素，煮食嘅時候就將蒜頭切碎，放置10分鐘左右，等蒜頭接觸多啲空氣，比酵素可充分咁樣生成更多嘅大蒜素～

雖然市面上有好多蒜頭製品或者含有大蒜素嘅保健食品，但根據研究發現，新鮮嘅大蒜保健效果係最好嘅～雖然蒜頭有好多好處，但都唔好過量食用啊！因為大蒜係會刺激腸胃，食得太多可能會腹脹，腹瀉同會口臭添！