超詳細分析 睇下自己講大話有幾叻
今次搵咗個特別啲同分析得詳細啲💯心理測驗俾大家玩，想唔想知自己因為咩而講大話同究竟有幾傷人心呢🤭~
係奇幻世界入面，有棵恐怖嘅樹🌳，因為佢有個大口會食人💀。你覺得呢棵樹會用咩方法吸引人黎食咗佢呢？
- 用美妙嘅歌聲🎶
- 扮對方另一半把聲😽
- 散發迷人嘅樹香😌
- 利用佢周圍嘅雀仔使者🦜
- 咩都唔做，靜靜雞等好奇嘅人自己行過來😶
- 用美妙嘅歌聲🎶
會為咗令人鍾意自己而講大話，如果用日行一善嘅精神黎睇，好多事你應該都會加鹽加醋，當然呢啲唔算得啲咩惡意嘅大話，但如果大話越嚟越大嘅話，就好易係人地面前丟架🙈，就算你冇講大話，有好多事都會因為過份嘅誇大而令對方誤解，所以，你對於任何事都要謹言慎行🧐。
- 扮對方另一半把聲😽
會以認真嘅態度講大話，係個大話高手🤨。當然，呢啲大話無論係善意定惡意，喺仲未俾人揭穿之前，好少人會因為咁受傷，之所以咁講，係因為一旦呢個大話俾人揭穿，就會令人受到好重嘅打擊😵，而呢個就係講大話高手嘅特徵，正因為你係呢類人，所以大家對你嘅印象會有驚被出賣嘅感覺😖，而呢種感覺會越來越強， 所以，為咗自己，就算只係有千分之一俾人揭穿嘅可能，都絕對唔可以講大話🙅🏻♀。
- 散發迷人嘅樹香😌
你唔會講大話去傷害人，稱得上係誠實嘅人😉，講真啲，你係個唔識講大話嘅人，只要你想講大話就會俾人睇穿，正因為咁，你嘅名譽唔會受損，反而會有很多人覺得你好可愛。
- 利用佢周圍嘅雀仔使者🦜
有講大話嗰陣鍾意搵代罪羔羊嘅傾向，為咗令大話變得有說服力，你係咪成日用「因為某某人話……」或者「係某某人嗰度聽話……」呢啲說話呢🤔？
如果當大話俾人揭穿嗰時，人哋對你嘅信任都會跟著玩完🤯，所以當你係講大話嗰陣，呢個責任應該由你一個人嚟承擔，如果將其他人都拉落水，咁就唔係幾好啦🤦🏻♀。
- 咩都唔做，靜靜雞等好奇嘅人自己行過來😶
屬於絕對唔會講大話，忠厚老實嘅人。
最憎嘅就係欺騙人😒，因為咁，就算對方唔想聽嘅事實，你都會誠實講晒出嚟，結果通常會令人傷心，係必要時，你都要醒啲，學下說話嘅技巧🤣。