輕鬆小出走 – Glamping 篇

因為疫情冇得去旅行😔，但係又心思思想去旅行😭，咁glamping就啱晒你喇！😆

名樂漁莊係香港Glamping界嘅鼻祖之一😬 位於元朗流浮山，提供4款唔同嘅Glamping住宿，分別係露營車、吹氣營帳、SPOD露營車同埋波子營，全部都有冷氣吹🌬️，入夜後喺全透明嘅波子營可以三百六十度無阻礙觀星🌠，極之浪漫😍！

地址：元朗流浮山上白泥稔灣路樂逍遙漁場旁

同樣位於流浮山嘅白泥部落啱啱喺2020年7月先翻新完成😆，以全新設備示人🤫。重開後提供蒙古包營、部落營同埋帆船營共3種帳篷，更加可以帶埋寵物🐕一同入住！想出去行下嘅話，可以去白泥鴨仔灣睇日落🌇，仲可以去行下南生圍同香港濕地公園😉！

地址：元朗流浮山上白泥村154號側直入

鍾意行山露營🏕️ 嘅朋友仔應該對香港青年旅舍協會嘅營地並唔陌生😚。位於大嶼山嘅YHA昂坪戴維斯青年旅舍，最近引入咗Bell Tent圓帳營😆，防水度高嘅麻色帳幕🤗，配合波希米亞風格🥰，大玩異國情調🤩！想去呢個營地嘅話可以喺東涌乘搭昂坪纜車🚠，落車行十五分鐘左右就到㗎喇😊！

地址：大嶼山昂平路

疫情當中我哋仍然能夠喺香港呢個咁靚嘅地方有一個旅行vibe😍 諗下都覺得興奮啊🤤！