輕鬆小出走 – Staycation 篇

Sem break 開始啦!因為疫情唔可以去外國旅行🥺,喺屋企又冇嘢好做😔,不如就喺香港體驗下Staycation啦😆!你可能會心諗🌝 大佬啊😩 咁多酒店要點揀啊🤯 所以以下小編就會推介3間又抵又有特色嘅酒店畀大家!🥳

 

1.香港W酒店

相信大家都會覺得每次做project都會冇咗半條命😵 壓力大又捱夜又通頂🤒個人都殘咗勁多🥴所以一定要好好咁犒賞自己😚!

香港W酒店精心設計一系列別具特色嘅獨家療程套餐😯,包括「漢藥仙境」🌁、「清酒馥郁」🥂、「瑰麗峇里」🏞️、「活力泰國」💪🏻。每個主題套餐都包含目的地專屬嘅特色療程🧖🏻‍♀️、輕食🥙同飲品🥤,係冇得去旅行嘅情況🥺,你仍然可以深入體驗各國嘅養生文化😆,並喺水療中心寬敞嘅灣景房裡面享受水療💆🏻‍♀️,放鬆身心🧘🏻‍♀️。

2. 九龍海逸君綽酒店

如果你想畀個驚喜朋友👥、情人❤️,同佢哋慶祝生日🎂或慶祝情人節❤️、紀念日💍,而慶祝完又想去泳池游下水🏊🏻‍♂️,呢間酒店就好適合你喇!九龍海逸君綽酒店會幫你準備驚喜禮品🎁,除咗驚喜都係驚喜🎉,對方一定會有一個好難忘嘅回憶🥰。
呢間酒店坐擁獨特嘅維港海景🌊,高層酒店房間仲可以遠眺南海🚢。頂樓嘅露天泳池以玻璃幕牆🌆聞名,絕對係打卡勝地📸!同自己心愛嘅另一半❤️或者同一班好朋友🫂 喺無邊際嘅泳池暢泳🤩,眺望海景再打下卡🤤,個氣氛一定好浪漫🌹、好chill😌。

3. 香港康得思酒店

如果你嘅另一半鍾意睇波⚽,體貼嘅你想奉陪下對方😘,但係可能會因為對方屋企人而冇得去佢屋企一齊睇🥺Facetime一齊睇又好冇feel😢,冇得享受二人世界😔…
咁啱香港康得思酒店就推出咗「球迷狂歡」住宿套餐🤩,畀客人喺舒適嘅客房收睇精彩嘅國際足球直播賽事🏟,包括:英超、歐聯、歐霸盃等,同時送上派對小食拼盤🍱 (春卷🌯、迷你熱狗🌭、雞髀🍗以及薯條🍟),以及冰凍啤酒🍻 同埋本地手工啤酒折扣優惠。一齊食住睇波👀,享受二人世界❤️。第二朝仲可以喺The Place享用豐盛嘅自助早餐🥞,以及酒店餐廳🍴、酒吧🍹7折嘅餐飲優惠🥳。

 

人最仲要嘅就係要好好咁善待自己❤️,尤其係面對住大學學業嘅壓力🏫、畢業之後見工搵工嘅壓力🎓、返工搵錢嘅壓力💵、人際關係嘅壓力🤯、對自己人生嘅迷茫😞以及好多人都有嘅想去旅行嘅欲望🛫!!就係因為背負住咁多嘅期望同壓力🤒,所以我哋先要好好善待自己,去個Staycation🌇,畀自己一個break😴!