大學生母胎單身的特質！

去到大學都仲係A0… 身邊嘅friend都有男女朋友…成日都喺到諗點解自己咁多年都單身…

原來母胎單身有呢4個特質，唔知你中咗幾多樣呢？

1. 缺乏自信

有啲人嚮往戀愛，但係去到大學仲係A0，會覺得自己好失敗，就算有理想對象，都會覺得對方唔會睇上自己，越嚟越冇自信，於是成日放大自己嘅缺點，會覺得「我係咪太肥」，或者「我都唔靚仔/女」，跟住就開始討厭自己嘅任性，討厭自己嘅唔成熟、完美主義、斤斤計較。缺乏自信，係好容易發出錯誤嘅訊息，令到其他人以為你冇興趣去認識對方。而且冇人會鍾意一個冇自信嘅人，連你都唔鍾意自己，咁仲有邊個會鍾意你呢？

1. 驚同人競爭

缺乏自信，自然就會驚同人競爭，喺大學，競爭一定激烈，自己鍾意嘅人點都會有人追。而你可能未爭取過就會退讓，認為對手一定比你好，所以自己點都爭取唔到，妄自菲薄嘅你好容易就放棄，唔主動爭取，令愛情同你擦身而過。

1. 根據「Checklist」揀另一半

喺大學，有啲人與其相信自己嘅感覺，更相信自己嘅擇偶條件，大學就係佢嘅「市場」，每見到一個人就會跟住「Checklist」去篩選。但係現實有幾多人嘅另一半真係自己嘅理想型？有時真係唔好太拘泥於心目中嘅條件，要抱住開放嘅態度，揀一個願意真心愛你嘅人咁樣先能夠發展更長久嘅關係。

1. 淨係睇到人哋嘅缺點

大學其中一個可以識到其他人嘅方法就係做group project嘅時候，有時要約出嚟傾或者要打電話去傾。有啲人就會喺呢啲時間觀察對方，而有時候睇到對方做咗啲自己唔鍾意嘅行為嘅時候，佢就會喺心入面扣分。如果你係呢啲人嘅話，最好就改咗呢個壞習慣喇，因為淨係睇到人哋嘅缺點嘅你，係會好難感受到人哋嘅優點，個人亦都變得奄尖，令到其他人唔鍾意你，所以多啲讚人會令你更加討喜。