預防武肺衛生小tips

武漢肺炎疫情全球繼續惡化，雖然大家嘅衛生意識都提高咗，但其實我哋出出入入嗰陣都有啲嘢值得大家注意㗎！

除咗用梘液洗手要洗足20秒依啲基本嘢之外，番到屋企之後應該要即刻換走出街啲污染衫。出咗街成日，隨身嘅衫依附咗無數細菌，馬上換咗佢就可以避免將啲菌帶入屋企從而減低感染嘅風險。而越近頭部嘅衣物應該換得越頻密。

出街要戴口罩是常識，但點樣先戴得啱呢？要注意嘅係外面嗰層口罩百摺口要向下，咁先可以防止飛沫同污糟嘢積藏喺入面。另外口罩要遮實口同鼻先有用！唔好因為覺得焗就戴一半唔戴一半呀！

經常接觸嘅隨身物品應該要經常消毒同拭抺。例如手機、cardholder同銀包依啲經常接觸嘅物品可以用酒精抹或者用消毒劑清潔。咁就可以減少雙手接觸細菌嘅機會喇！

做足準備齊齊抗疫，大家都要身體健康呀！