2盒，thanks！依家一罩難求，你又知5知口罩係點樣出現?!

兩盒，thx！

相信大家都知道呢句潮語嘅由來，口罩供不應求，更加上黑心商人炒賣，真係一罩難求呀依家！醫學口罩已經成為咗我哋生活嘅重要一環，咁你又知唔知口罩嘅由來係咩呢？

其實喺19世紀中前期，醫學界嘅衛生概念並唔高，由於無消毒呢個概念，所以手術嘅成功率偏低，仲成日有病人因為細菌感染而病死。直到1860年代，一位細菌學家指出「菌源論」，認為細菌係引致患病嘅原因。同代一位著名醫學家提倡外科手術消毒技術，形成咗現代手術模式，包括：醫生要着消毒袍衣，手術前要洗手，高溫消毒手術用具，更加研發咗好多醫學用具！

根據一個比較主流嘅說法，醫學口罩喺由一位波蘭裔嘅德國醫生喺1896年發明，因為醫學家發現就算手術室同埋手術用具經過消毒，病人都會間中出現細菌感染嘅情況，所以呢位德國醫生就設計咗一個用紗布封侯嘅小裝備，亦即係醫學有口罩嘅始祖。到1898年，已經有學者設計咗兩重紗布嘅口罩啦～直到1900年初，喺多個醫學家嘅倡議下，醫學口罩就已經變得好普遍，成為手術必備嘅用具。

雖然呢場疫症唔知幾時完結，但大家記住打起12分精神，勤帶口罩同埋勤洗手，做足個人衛生，咁先可以打好抗疫呢場仗～！