5款常見口罩功效大比拼
武漢肺炎令大家人心惶惶，今次仲勁過2003年「沙士」，唔想出事仲唔好好咁保護自己！依家街上面個個都帶口罩，你仲唔快D帶？但係你知唔知想要預防傳染病，口罩要揀邊一種先有防護作用呢？其實每一種口罩都有自己嘅用途，在適合嘅場合戴返正確嘅口罩先能夠達到佢最大嘅效果！以下就嚟介紹 5 種常見口罩嘅功效同用途。
- 外科口罩：可有效過濾細菌
外科口罩構造通常分成三層：外層防波濺、中層具過濾作用，內層可吸濕氣，並對於6μm以上微粒有90%阻隔效果，因此可阻隔大部分飛沫傳染病菌。
適合：有感冒、發燒等呼吸道症狀時使用，或是喺醫院、戲院等唔通風嘅場所使用。
- N95口罩：可有效過濾細菌
N95口罩嘅N字係指呢種口罩適合喺非油性場合中使用，95嘅意思指即是可以過濾95%以上嘅粉塵，包含飛沫同一啲有毒氣體等。因為呢種口罩密度非常高，佩戴後或會感到難以呼吸。所以一般民眾喺日常疾病嘅預防上，使用外科口罩就足夠了。
適合：飛沫傳染病毒流行時期、空氣極差環境使用，主要俾醫護人員或化工廠員工使用。
- 棉布口罩：無法隔絕細菌
棉布口罩主要用於避免吸入灰塵或將飛沫噴出，可過濾大顆粒的物質，如灰塵等異物。
適合：普通嘅清掃工作、一般平日嘅保暖或買唔到外科口罩時暫時替代使用。
- 活性碳口罩：無法隔絕細菌
活性碳口罩因為增加咗活性炭層可吸附有機氣體，而且過濾層纖維孔隙小於棉布口罩，因此可以吸附附汽機車所排放嘅有機溶劑。對於阻絕懸浮微粒同埋細菌穿透效果並不佳，因此唔建議用於防疫。
適合：戶外騎車、油漆、噴漆、噴灑農藥等場合使用。
- 海綿口罩：無法隔絕細菌
海綿口罩（聚氨酯口罩）嘅質地較為柔軟舒適，透氣性亦都比較好，但主要用於過濾花粉、塵埃、霧霾，對於病毒嘅防疫能力不佳。
適合：阻隔花粉、塵埃、霧霾。
而家呢個武漢肺炎疫情咁厲害，記得唔好為咗靚而戴一啲阻隔唔到同過濾唔到細菌嘅口罩呀😷。平時除戴口罩前後都要記得用埋消毒搓手液！擦完要等20秒消完毒先好掂其他野。