Asia Miles，Avios，ANA里數計劃大不同

相信大家都有儲開里數或者聽過儲里數，今次我哋就要講吓Asia Miles，Avios，ANA，睇吓邊種里數計劃最適合你😉

Asia Miles所屬國泰航空，因為國泰航空佔香港出發嘅航班45%，所以Asia Miles喺香港相當受歡迎，因為咁可以儲Asia Miles嘅信用卡都有好多選擇，例如：DBS，渣打信用卡，美國運通。另外，Asia Miles賺取渠道多元化，例如透過去餐廳食嘢，Open Rice book枱，shopping都可以儲到里數，所以都唔怪得佢喺香港咁流行㗎～但喺Asia Miles經過改制後，換領機票嘅門檻高咗，例如可以換領嘅機位減少左，但係佢哋每個單程包括兩個航段，而每個航段包一次停留或者轉機，由2020年開始賺取嘅里數更加係無限期添～所以佢係香港人嘅最抵玩首選！

Avios係屬於英國航空嘅里數計劃，喺香港第二熱門之選，仲可以利用比較少嘅里數換到去台灣或者英國等地嘅機票。另外，Avios仲有Asia Miles冇嘅里補錢換機票計劃，所以你唔需要儲到好多里數先可以換機票，用錢補返差價就可以啦，唔洗有排儲都唔知儲到幾時，所以Avios里數換機票係比較易嘅。而且Avios仲有家庭賬戶可以比七個人同時一齊儲里數，而且里數仲係無限期嘅添！

ANA係全日空嘅里數計劃，全日空被評選為最服務最佳嘅航空公司，佢哋嘅里數計劃最適合去日本使用，如果想換領日本來回機票或者係美加國家，佢哋所需嘅里數係三個里數計劃之中最低嘅～仲可以Open-jaw或者停留唔同嘅城市。另外，佢哋都有家庭賬戶，可以比八個人同時一齊儲里數添！不過佢嘅里數有效期只有三年，可以參與呢個里數計劃嘅你就要留意番你嘅里數有效期啦～