Eddie Redmayme演反派，終極殺人犯?!

《丹麥女孩》、《怪獸與他們的產地》依啲電影大家應該都耳熟能詳。而當中飾演主角嘅演員Eddie Redmayme 有新突破，佢將會喺新電影《The Good Nurse》同《變種特工：黑鳳凰》入面嘅Jessica Chastain 合作，並挑戰做反派角色！

《The Good Nurse》改編自真人真事，2013年推出咗同名小說The Good Nurse: A True Story of Medicine, Madness, and Murder，大家有興趣可以睇下。依部電影主要講美國著名連環殺人護士Charles Cullen 嘅故事。喺大家眼中嘅白衣天使竟然以佢護士嘅身份私下向病人注射致命藥物，殺人無數。佢為咗滿足自己殺人嘅慾望殺害眾多無辜嘅病人，成為可怕嘅殺人魔。

有消息指Netflix 今次以2500萬美元(即約1億9450萬港幣)買咗電影嘅獨家播放權，各位Netflix 嘅觀眾有福喇！電影喺戲院上映後就可以喺屋企番煲！

今次Eddie 飾演反派角色係一個大突破，亦都係一個發揮嘅好機會。一齊期待佢喺電影入面嘅表現啦！