Hall Life隨時只得一年 住Hall前有啲咩要注意？

Hall Life隨時只得一年 住Hall前有啲咩要注意？

相信唔少大學FM (Freshman) 都會對大學嘅宿舍生活充滿著期待及好奇，雖然疫情期間，不少大學宿舍安排有變動，加上大學Reg day (新生註冊日) 轉為Online進行，令到一眾大學新生無法真正了解舍堂生活。大學裡面其實唔同宿舍可能有唔同嘅文化，揀得啱自然會玩得開心，揀得唔啱真係會浪費咗個Hall life，有啲大學仲要四年一宿，一年嘅hall life可以話非常之珍貴，到底揀宿舍要點揀？有啲咩要注意？

.

宿費Hall Fee

每間大學宿舍收費唔同，住宿舍變相係學費以外嘅一筆比較大嘅洗費。而有啲大學係唔同房型有唔同收費，當然一人房就最貴，大家不妨喺住hall之前了解下邊個房型更適合自己或者更高性價比。

.

宿舍活動Hall function

講到有一個完滿嘅hall life，hall function係一個重要嘅指標，唔同宿舍會有唔同嘅文化，可能當中嘅活動都唔同，可以揀宿舍之前睇睇每個宿舍會有咩傳統活動或者嚟緊會舉辦啲咩活動，感興趣嘅活動越多證明嗰間宿舍越適合你啦~

.

宿舍文化 Hall culture

一般每個宿舍都會標榜唔同嘅文化，例如你本身係一個比較注重讀書，希望宿舍會成為一個專心溫書嘅地方，不妨留意下少啲活動同埋本身傳統文化比較淡嘅宿舍；如果你係一個俗稱好yo嘅人，就可以揀翻比較多聚會、活動較多嘅宿舍。而且有啲宿舍文化可能比較開放、有的注重Warm等等，宿舍文化足以影響你嘅Hall life，理應住之前了解清楚！

.

Returning機制

喺四年一宿嘅學校裡面，宿位競爭比較大，如果住得遠或者因為想感受更多Hall life而希望住多過一年，建議住之前了解一下Returning機制，唔同宿舍都可能有唔同嘅評分方式！

.

宿舍設備

有啲大學會有新hall舊hall，住之前都可以參考下裡面嘅設備，一般新宿舍比較受歡迎，住得舒服都好重要。

.

有人話Hall裡面認識嘅朋友係另一班屋企人，因為日見夜見，更仲可以同Hallmates傾一啲平時同屋企人傾唔到嘅話題，住Hall係大學五件事之一，希望大家好好Enjoy~