hall life 點少得麻雀!

就嚟又到農曆新年,講起過年長輩之間嘅活動當然唔少得打麻雀啦,而打麻雀亦都係hall life 不可或缺嘅一部分!

 

相信唔少住過hall 嘅同學都識得打麻雀。有啲人係因為屋企人嘅關係所以本身就識打,而有少部份(例如小編本人)就係住咗hall 之後睇得多所以學識咗🥴如果想想唔同嘅宿生social,其中一個最好嘅方法莫過於搵人打牌😂 係group 到打句「any mj?」或者拍下其他宿友嘅房門,一定會搵到雀腳開枱~

 

打麻雀要諗辦法將你手上嘅牌拼出唔同嘅組合,變化多端。當然啦,打麻雀除咗技術之外,運氣都非常重要~打麻雀嘅時候完全可以體現到一個人迷唔迷信😏當一個人好黑嘅時候,佢就可能會拎啲紅色衫褲、幸運物之類嘅嘢「旺一旺」自己,有冇用就不得而知喇😳😳

 

係hall打麻雀不外乎都係打香港牌、跑馬仔同台灣牌。佢哋都有唔同嘅規矩同組合,但只要識打其中一款就會觸類旁通!

 

但留意番唔係所有hall 都可以打麻雀!千祈唔好break hall rules 呀😂亦都唔好嘈到人🤫 麻雀雖好,切勿沉迷~

 

係下面tag 你嘅雀腳出嚟啦!