Home Make 熱爆400次泡沫咖啡 唔洗飛去韓國都飲到！

去過韓國都知道嗰度周街都係Cafe，就知道韓國人幾咁鍾意Chill住飲咖啡，不過最近受到疫情影響，好多人年青人連街都唔出咁多，甚至最愛嘅旅行都唔去，乖乖咁地留喺屋企！但為咗可以繼續品味咖啡，韓國人就自創咗「400次咖啡」，好多人見到都爭住去試，令到400次咖啡風靡韓國之餘，呢排仲傳埋嚟香港添，,依家一開就見到個個都post自己整咗嘅成品！到底這呢款咖啡係點整嘅？

呢款「400次咖啡」又名為Dalgona Coffee，亦即是焦糖泡沫咖啡。研發呢款咖啡嘅竟然係來自澳門嘅一間地道茶檔，佢哋最出名就係由老闆人手手打400次嘅「手打咖啡」，呢款咖啡被一個韓國綜藝節目曝光之後，韓國網民紛紛仿效，並發展出唔同嘅版本。

400次咖啡做法好容易，先將咖啡粉、砂糖同熱水以1：1：1比例，用人手發打400次，打到creamy嘅狀態，之後倒落牛奶或者黑咖啡上就可以啦！如果唔想要人手發打嘅話，可以選擇買電動奶泡器，呢款自製咖啡奶蓋嘅400次咖啡，帶有綿密口感之餘，用嚟打卡仲十分吸睛，又可以打發下時間！！

喺屋企無嘢做又鍾意咖啡或者想搵嘢做下嘅你哋，快啲試下整啦！