Online learning 三大提升效率嘅方法
有無發覺自從開始咗Online learning 之後就好似變到無心向學咁，無咩動力同效率呢？就到sem 尾係時候要讀番書同趕assignment喇！唔緊要！以下依五個方法應該會幫到你，令你喺屋企都可以有效率咁做嘢同讀書～
- 限制娛樂時間
喺屋企「無王管」，好容易就受到其他嘢嘅誘惑，打下機煲下劇㩒下手機咁又無咗一日喇。所以要規劃一下娛樂嘅時間，唔好令自己成日都喺到玩！如果自問唔夠自律嘅話，手機上都有apps 可以幫到大家去管理時間㗎。例如Forest 咁，唔用部手機就可以令棵樹長大！令你可以忍住暫時唔用手機。
- 寫To-do list
每日開始做嘢之前寫咗個To-do list 先！列曬今日要做嘅嘢，咁就一目了然啦。每做完一樣就剔走佢，成日完咗見到個list 剔曬真係好有成功感㗎！不過記住個to-do list 要set 得合理，一日係好難做曬20幾30樣嘢㗎，即使迫自己做曬都會覺得好辛苦，咁就好難持續落去。
- 聽音樂提高集中力
大家做嘢或者溫書時集中唔到注意力可以試下聽純音樂。喺YouTube search 「study music」就有一大堆一個鐘起跳嘅純音樂俾大家慢慢聽。唔洗煩要揀咩歌聽之餘仲唔會俾流行曲嘅歌詞影響注意力。
大家如果覺得自己做嘢無咩效率都可以試試以上嘅方法！