大學都市傳說

「新」活見聞

Ocamp夜晚講學校鬼故嚇freshmen呢個環節係不可缺少嘅👻，牛尾湯、紅眼仔、辮子姑娘呢啲就街之巷聞，以下呢三個你又有無聽過呢～

 

  1. HKU – 停屍間ocamp

件事發生喺醫學院啱啱成立🏫，有次舉行Ocamp，班組爸媽想玩嗰fm，將佢反鎖咗喺停屍間成晚。而喺第二日打開門放人嗰陣，竟然發現佢喺到啃食緊屍體，而所有目擊者都見到佢身上面有好多傷痕同牙印🤯！件事發生之後，HKU出咗份校刊，入面列咗一堆守則，其中一項喺「不容許把學生軟禁在殮房/停屍間」，證明係真實事件。

 

  1. PolyU – 泳池鬼小孩

PolyU Canteen有一排落地玻璃，以前係可以望通泳池🏊🏻，後嚟就貼咗反光膠紙，傳聞喺某一年夏天，有個幾歲大嘅小朋友，好似喺某教授嗰仔，喺泳池浸死咗，當時Canteen仲未貼膠紙，之後有學生夜晚喺Canteen見到有個小朋友喺泳池邊爬上嚟🧟，慢慢行向Canteen然後消失。之後就無人敢坐近窗，仲影響到Canteen生意，於是學校就喺玻璃窗貼返反光膠紙，嚟招「眼不見為乾淨」。

 

  1. CityU – Yellow Zone 3M 廁所

好多年前某一個夜晚，有個女 tutor喺3M洗手間照鏡🚰。突然之間，佢喺鏡到竟然見到個男人嘅背影，嗰男人着住地盤工作制服，成手血咁慢慢砌緊磚牆，仲有一滴滴血，滴咗落地度🩸……件事驚動到學校高層，查返紀錄，原來當年起CityU嗰陣，有個砌磚工人喺Yellow Zone 因為工業意外死咗，懷疑同件事有關，後來校方落咗order，將 3M 嘅女廁改成男廁，話喺為咗保安理由，你又信唔信呢🤭？

分享至：