九龍區考車路線難度評分

身係大學生嘅你，終於到左1️⃣8️⃣歲；有冇啲人生Bucket list📝想做？有冇諗過考車牌🚘呢？考個牌傍身又好、遲啲去旅行自駕遊🛣️又好、移民要揸車都好；考左先都冇壞嘅。但係，咁多條考車路線，你又知唔知邊條最難考？🤔🤔邊條最多陷阱？💩💩今日就黎比較下九龍區各大路線嘅難度啦！

何文田忠義街

難度 : 😈😈😈    (5️⃣😈為最高)

忠義街嘅考試路線相較其他九龍區嘅路線短，考試難度相對低。唯要注意翻工翻學／放學時間行人👣同死車比較多，道路較窄。路線1️⃣（迦密村街）死車較多，『打燈望鏡擰頭』🚦👀記得要做足啲。

油塘

難度 : 😈😈😈😈😈    (5️⃣😈為最高)

油塘可以話係九龍區中最難嘅考試路線，沒有之一！🥲🥲事關佢3️⃣條路線均要考迴旋處😵‍💫😵‍💫，是其他考試路線冇嘅部份。考生要特別注意迴旋處嘅出入口嘅同時要注意附近嘅水泥車🚛🚛。小路出大路嘅時候，大車容易遮擋視線👀👀，引致『沒有留意路面交通情況』而肥佬❌。 

澤安道

難度 : 😈😈😈   (5️⃣😈為最高)

澤安道嘅路線結構唔算複雜，相對算易。同忠義街一樣，要特別留意行人🚶🏻🚶🏻‍♀️及死車。另外，白雲街的士較多，考試時盡可能唔好爬頭，如果唔係好易比考官剔『太接近物體』而肥佬❌！

培正道

難度 : 😈😈😈😈    (5️⃣😈為最高)

培正道算係交通比較繁忙嘅路線，好多巴士小巴🚌🚌埋站，經過住宅區時又會有路人橫過馬路，要份外留意路面情況❗此外，轉入公主道前面會有黃格仔，如果見到前面塞緊車，千祈千祈千祈（好重要所以要講3次！）唔好駛入黃格仔等‼️ 唔係就可以同你講聲『さよなら』（Sa yo na ra）。

天光道

難度 : 😈😈😈😈   (5️⃣😈為最高)

天光道同培正道一樣，都係人多死車多嘅考試路線，公主道（路線1️⃣）窄路掉頭之後要特別小心雙白線。右邊唔單會有車🚘轉入嚟，前面更會有行人過馬路，記得望清楚👀冇車先出。靠背壟道（路線2）轉出天光道後cut線，記得打右燈後，左右兩邊盲區都要望👀同埋千祈唔好用腳掣減慢車速啊❗

考車話難唔難，話易唔易🔰，但小編身邊好多朋友唔係擔心路線好難，而係因為冇錢💸💸而放棄學車🤢🤢，如果你都係咁諗，Zwap絕對可以幫到你。有興趣就搵我地啦❗ 講左咁多，希望大家都可以一剔PASS✅。