學習外語小秘訣

1. 多講多聽

學習外語最忌怕羞，學完唔講好快就會唔記得，所以學外語嘅時候不妨同埋啲有興趣嘅朋友一齊學，唔單止有時會有二人同行嘅優惠，仲可以一齊溫習，用外語溝通，溫故知新。除此之外去旅行都係個唔錯嘅方法去學以致用。正所謂入鄉隨俗，去到人哋國家如果可以用佢哋嘅語言溝通就一流喇！只要唔怕出醜，多聽多講，進步真係話咁易啦。

2. 記下並整理新詞彙

好多學生只會喺學咗新詞彙時紀低喺筆記，現實生活中根本好難用到。雖然記低新詞彙係一個好習慣，但只有咁都係唔夠。所以唔單止係要紀下來，仲要整理，分門別類。將佢寫喺一個句子中，學習點樣運用。呢種技巧能讓剛學到的詞彙更生動。

3. 提出問題

學習最快最入腦嘅方法就梗係問問題啦，其實學習一個從未接觸過嘅語言一定會遇到好多問題，除咗落堂之後要溫習之外，最重要嘅當然係要問多啲問題啦！如果將問題日積月累，咁就大件事喇，因為愈學會愈複雜，咁到時候清概念就更麻煩喇！

     4.將學習融入生活

除咗平時上堂學外語之外，其實有時候聽吓外語歌或者睇戲都係個唔錯嘅選擇。唔單止可以寓學習於娛樂，學習嘅壓力無咁大，仲可以學到咩語言係喺咩情況下用運用，仲可以嘗試扮吓佢哋講嘢嘅語氣，咁樣邊學邊玩都無咁大罪惡感啦。