另類自修室

開心嘅日子真係過得特別快⚡，話咁快就開咗學一個月喇！嚟梗又係迎接mid-term同準備present嘅時候?！所以小編今次為大家精心挑選咗一個閉關好地方——自修室cafe?☕

自修室cafe多數都係開喺啲工廈。港九新界，梗有一間喺附近！啱晒早落堂又唔知去邊嘅大家?！相信好多經歷過DSE嘅學生聽到自修室三個字都會怕怕，又迫又焗又無得講野。但今次大家可以放心，因為自修室cafe完全唔會係嗰回事?！

自修室cafe除咗可以提供一個超級舒適嘅位置之外?，免費wifi就梗係唔少得啦！有啲cafe會設有一個小角落，提供免費嘅飲品同小食?。如果想一班人一齊做project仲可以入小型會議室?，咁就唔怕嘈親人啦！?而收費方面就可以選擇按時收費又或者按日收費，普遍嚟講坐足完日都係百幾蚊。做野做到攰仲可以訓吓再做過，對唔少deadline fighter嚟講簡直係天堂啊?