無印良品隱藏好物推薦

喺無印良品除咗買文具、零食、攜帶式睫毛夾、化妝水，其實仲有好多隱藏必買美妝小物！

1. 鋁製噴霧香水瓶

將當天要用嘅香水裝入去呢個鋁製香水瓶，出街即使香水味淡咗都唔洗驚，隨時都可以補噴返香水！

2. 清潔棉花棒

每支棉花棒都係獨立包裝，一邊尖頭、一邊圓頭，可以零死角補妝或卸妝，而且棉花棒尖端有清潔劑，所以用嚟補妝真係超方便，見到妝容邊度有化開嘅地方，就可以用棉花棒輕鬆抹走啦！

3. 壓縮型面膜布

面膜布材質相當親膚，而且能夠吸收好多化妝水，只要將面膜布浸入去化妝水入面，輕輕拉開敷上臉即可！啱晒鍾意濕敷嘅你！

4. 原色化妝棉、敷面式化妝棉（四層）

同樣係「濕敷」必備嘅仲有化妝棉，四層設計相當好撕開，而且材料都係「不經漂白」嘅長纖維棉花，適合敏感臉部肌膚，化妝棉亦使用夾鏈袋包裝，相當衛生乾淨！

5. 洗臉用網狀起泡網

只要用少少洗面奶就可以打出極致綿密又柔軟嘅泡泡，不傷肌膚又可以節省洗面乳用量，一舉兩得！

6. 可可巴按摩油

相信有好多敏感肌膚嘅女生都擔心用市面上成分複雜嘅保養品會導致皮膚敏感泛紅，不如試下無印良品呢款「100%純質植物按摩油」，可以用嚟直接按摩身體，或可以加幾滴混合身體乳液使用，就夠曬滋潤啦！