送禮自用都啱！2020秋冬香水之選

不論男女，香水都係約會或者襯衫重要嘅一環，噴一噴，舉手投足都有返啲自信🤩，今次等小編同大家介紹吓秋男女秋冬香水之選～送禮自用都啱曬！

TOM FORD 私人調香系列 Bitter Peach

迷人嘅水蜜桃🍑同西西里血橙精油用濃烈花果甜香搭出「BITTER PEACH 蜜桃狂想香氛」，係豆蔻精油嘅辛香襯托下，呈現出鮮嫩飽滿成熟果肉嘅意象。瓶身設計用咗飽和橙色搭配外層半透明色調，若隱若現～

主要香調：水蜜桃香調、血橙精油、印蒿精油、岩玫瑰原精、印尼廣藿香、檀香原精

CHLOE 沁漾玫瑰女性淡香水 Rose Tangerine

前調由玫瑰、蜜橘登場，係獨特嘅玫瑰🌹調性中散發出淡雅嘅果香，再用蜜橘活潑、陽光明媚嘅形象增添光彩。中調就係黑醋栗混埋翠綠清新感，襯托出玫瑰嘅獨雅姿態，最後用雪松木同白色琥珀收尾，增添咗優雅香氛同潮流感。典雅粉橙色嘅手工蝴蝶結配埋經典銀色金屬樽蓋，外盒就用淡雅粉做底色。

前調：玫瑰、蜜橘

中調：黑醋栗

後調：雪松木、白色琥珀

CHANEL COCO秘密時光香水

品牌調香師奧利維耶．波巨用水彩嘅意象打造全新香氛，用木質香氣稍作收斂，令柑橘清新明亮嘅氣息綻放，而茉莉原精同玫瑰花瓣嘅柔美花香調，同白麝香幽香嘅氣韻，詮釋一種溫柔可人嘅香氛質感😍。瓶身採用磨砂霧面設計，好似幫香氛罩上一層半透明嘅神秘面紗咁！

前調：柑橘

中調：茉莉、玫瑰

後調：白麝香

Dior Sauvage 曠野之心男士香水EDT 

呢款相信男士都唔陌生，Sauvage系列由Johnny Depp代言，主打剛陽、狂野嘅風格😎，用深藍色嘅香水營造渺無人煙嘅野地夜色，配搭中調強烈嘅雪松、檀木嘅木質香營造出野地特有嘅清新空氣。優雅嘅木質香會隨著時間轉變為甜美嘅香草氣息，若隱若現嘅煙燻味令人好似感受到篝火嘅餘溫。

前調：苦新佛手柑，柑桔調

中調：雪松、檀香

後調：香草，樺樹

Calvin Klein ck one 中性淡香水

同上面嗰款唔同，呢款比較休閒溫柔，由前調用木瓜、佛手柑同菠蘿嘅豐富果香，加上薰衣草、 荳蔻嘅性感抒情，帶嚟豐富嘅嗅覺刺激😌，中調用咗玫瑰、柑橘花等四種濃郁同辨認度高嘅花香，組合綻放出馥郁又清爽花香，最後用琥珀同麝香做出安靜勾人嘅結尾，令人心醉神迷～

前調：木瓜、 佛手柑、 鳳梨、 薰衣草、 荳蔻

中調：玫瑰、 柑橘花、 茉莉花、 紫羅蘭

後調：琥珀、 麝香

要送禮嘅朋友仔，小編幫到盡喇～