上莊全攻略

大學五件事，住Hall、拍拖、讀書、Partime，仲有你一定有聽過嘅－上莊。上莊聽就聽得多，到底上莊一般有咩要做呢？作為FreshmanBB嘅你睇下老鬼教路，了解多啲，實無死喇！

「上莊」，一般都係指成為某個幹事會嘅成員；而同你一齊上同一枝莊嘅人呢，我地都會叫佢地做「莊員」。通常莊期都會last一年，上到莊嘅你地就會變左「現莊」，過左莊期、落左莊之後就會做人「上莊」。如果係落左莊幾年、做左上幾屆嘅上莊，通常就會比人叫「老鬼」。上莊當然有某啲活動一定會做喇，例如有Con day(諮詢大會)，Mock/Pre Con(模擬諮詢)，投票期，ProP，In-aug。多數都會啱啱啱上莊時嘅大活動，而後面嘅活動多少就視乎你枝莊係頹定Chur喇！

話明係攻略，又點會得簡介呢。以下就係幾個觀察到嘅上莊必勝之道，只要做到就萬無一失！

莊員Love

大家一齊上莊，坐同一條船預左要一齊共患難。如果一有野做就閃人或者Freeride，只會令你嘅莊員唔高興什至對你有怨氣，大家仲有成年要朝見口晚見面，傷左和氣就唔好喇！所以話，最緊要對自己嘅工作有承擔，相信就算有咩甩漏你莊員都唔會怪你嘅！當然，上莊都係想Firm一班人姐，定時都要出席下莊聚，去下Party Room或者一大班人搵下大學生優惠學生機票，自然Friend過打band喇！

不聽上莊言 吃虧在眼前

做左現莊，自然會覺得你嘅上莊老鬼好煩，樣樣野都好似有野挑剔咁，見親佢地就預左比佢地罵咁。但係諗深一層，你嘅上莊當年都做過現莊，佢地又點想冼你一鑊。好多時候佢地都係太緊張，或者對你地抱多大期望先會咁肉緊！有問題記得問佢地，相信佢地都會好開心你仲記得宜個上莊老鬼嫁！

上莊上到窮？

成日聽人話上莊會上莊上到窮 到底真唔真呀？無可否認一枝莊嘅洗費係大嘅，好似ProP咁要派下souven，但係你地都可以搵下sponspor幫補下，慳番好多錢嫁。即使真係唔夠錢，都可以借下校內或者校外嘅學生貸款，得閒又睇下邊道有大學生優惠活動，搵下大學生兼職做，一定唔會唔夠錢洗喇！

上莊，其實唔只係做野嘅，享受一齊上莊嘅時光先係最重要。大家過咗幾年後仲會記得辛苦做野做到半夜食宵，sem break搵大學生優惠機票莊trip，同一枝莊同上同落，一齊揮霍青春。作為Freshman BB嘅你，不妨去下傾莊再諗下上唔上莊！