世界電訊及世界資訊社會日

智能電話應該係本世紀最偉大嘅發明之一，如果無咗電話，小編真係唔知點生存… (揾路無google map🗺 揾資料無wiki 📄去廁所無電話玩…😖我唔要便便果陣只可以睇洗頭水成份呀…(明嘅就會明啦~ 😛 )

不過我地今時今日有咁方便嘅科技💻，都要多謝前人嘅發明，無⼀開始嘅電報，就無而家嘅無線電同電話📱。而世界電訊日就係1969年5月17號成立，目前在於紀念國際電信成立同埋強調電信對於經濟發展同日常生活嘅貢獻☺️

至於世界資訊社會日設立嘅原因就係當時各國意識到資訊科技係全球迅速發展，於是係2006年選擇同世界電訊日合併，變成而家嘅世界電訊及世界資訊社會日✌🏻➡️👆🏻

每年嘅世界電訊及世界資訊社會日都會設立一個主題，同大家揀assignment題目一樣，2020年嘅主題當然係關covid-19事啦😷! 係疫情下，信息通信技術(ICT)發揮咗好大嘅作用，令世界嘅疫情消息流通幫助防疫，同時間都顯示咗國與國之間數字化不平等嘅現象，突顯咗加速數字化轉型嘅緊迫性，所以2020嘅主題正是 《連通目標2030：利用ICT促進可持續發展目標的實現》

唔好問我咁多啦，再問小編就露餡架啦🤫有興趣嘅同學可以去聯合國網站睇多啲😉就算完左Sem，都知學多啲無用嘅知識呀~🤭