中學課後回憶-小食篇

雖然已經上咗大學，但依然好懷緬以前中學簡簡單單嘅日子呀！仲記唔記得以前放學肚餓會食嘅小食呢？
1. 撈麵🍜
如果放學係好肚餓嘅話，就會買一個撈麵食！好味得嚟都幾飽肚，同朋友一人一個一路行一路食～如果放學之後要補習就要靠佢頂到夜晚食晚飯嘅時間喇😭
2. 冷麵
如果你哋學校附近有一啲小店或者士多，就可以搵到冷麵嘅蹤影～夏天食一洗呀！自己喺雪櫃到揀配菜同揀麵嘅種類，之後交俾店員幫你加醬同撈勻佢，好食得嚟又多選擇！
3. 雪糕🍦
夏天熱辣辣放咗學都會去食雪糕～便利店就已經有好多款可以比大家選擇，如果有零食小店喺附近，仲可以買到散裝嘅雪糕球！以前$10就有三球真係超級抵食！（暴露年齡系列）
4. 珍珠奶茶🧋
如果學校附近咁啱有珍珠奶茶舖，咁你就有可能墮入呢個肥仔陷阱🥺不過一杯珍珠奶茶對於一個中學生來講都唔算平，間唔中飲一次都已經好開心～🤤
雖然依家讀緊大學已經好少買依啲小食嚟食，但呢啲課後小食可以話係貫穿咗小編嘅成個中學生涯～同學以前放咗學之後會食啲咩呢？可以喺下面tag 你個放學buddy 出嚟😂