住Hall的浪漫

Freshman未入U一定唔多唔少對住Hall life有渴望同幻想，就算住過Hall幾年諗番起之前喺Hall fing嘅日子都覺得果段係最開心嘅日子，到底住Hall邊度浪漫呢？

日對夜對嘅Roommate

你起身第一眼會見到佢，放學之後又見到佢，有時食飯又會一齊食，成日喺房坐係床邊兩個吹水，熄燈又會一齊撻上床訓，唔好諗多，果個只係你嘅同窗Roommate。有人話每個人生活習慣唔同，要搵個好roommate難過中六合彩，我就話有一個同你住埋一齊又肯互相體諒嘅roommate，有時順便幫對方洗埋啲衫，放假一齊兼職補習，一齊睇平價學生機票，一齊出街一齊傾心事，日見夜見仲多過你同中同。果啲日子真係難以取代，你隔離床果個roommate真係千世先修得共枕眠，仲勁過前世情人添啦，點會唔浪慢！

入Hall識嘅第一班人

入得Hall住 預左要還，你唔係以為輕輕鬆鬆咩都唔玩、唔出現就識到friend呀？參加下Hall O、Omonth 真係在所難免。你以為果幾日無得訓好難捱，點會諗到住Hall最開心嘅日子就係同果班Dormmate、Unitmate、Floormate一齊過。你同佢地之後嘅reg lunch reg dinner唔會再講起當初你地點用生命值硬接個hallO 只會提番起你地一齊燃燒GPA係Hall打牌酒聚嘅日子 睇平價學生機票約埋一堆去窮遊 大家嘻嘻哈哈咁過。過左Year1Year2雖然大家可能好忙，有人忙住Chur GPA去唔到飯聚，有人番大學生兼職無時間出席活動，但係佢地永遠係你心底最深深處都仲有一個位置，諗起住Hall就一定會諗起佢地！

住Hall係大學生獨有嘅體驗，離開屋企走出comfort zone，去重新認識一班住你隔離左右嘅朋友。即使過左幾多年之後，你仲會記得你岩岩reg Hall嘅果一日、做Freshman或者做爸媽玩HallO嘅時光。其實住Hall嘅浪漫，好簡單，就係只要諗起Hall就會有家嘅感覺，帶唔走放唔低。人愈大就各有目標，兼職補習、番大學生兼職真係喺悄悄間Chur走曬我地啲時間，如果唔係plan啲時間，真係同佢地見都無得見。你有無諗起邊幾個同你一齊Fing嘅Hallmate呀，有嘅話tag佢出黎話佢知啦！