【想申請新信用卡💳但係點解又被人reject咗⁉️】

想申請新嘅信用卡但又比人拒絕咗？有機會係因為你嘅既信貸評級唔夠高！

信貸評級又係啲乜？簡單黎講，信貸評級係一種量度你還款能力既參考表，A級最高，J級最唔理想，最常見有以下兩種原因會影響信貸評級：

1️⃣ 還 min pay／遲找卡數

還 min pay 所帶出嚟嘅信息係證明你嘅還款能力未必夠高，而遲咗找卡數亦都會留低唔好嘅還款紀錄，從而令到信貸評級降低。銀行同財務公司喺審批信用卡或貸款申請嘅時候都會參考返每個人的信貸紀錄，若果分數未達到標準嘅話，就會被銀行拒絕申請架啦❌。

2️⃣ 信貸額過高

好多人都會貪方便成日用信用卡去俾錢，有時會搞到信用卡嘅總結餘非常接近總信貸額，從而令到信貸額過高。一般嚟講，如果信用卡使用結餘或總信債額超過50％嘅話，就會被視為信貸額過高。以一張HK$10,000信用額嘅信用卡為例，假如你一張信用卡嘅總結餘有超過$5,000嘅話，就好大機會會影響到信用評級啦。

如果想提升返⬆️信貸評級嘅話，最簡單亦都係最緊要，只要準時找卡數，定期喺 TransUnion (TU) check 自己嘅信貸報告，學識精明理財，自然就可以提升返信貸評級，亦可以再申請唔同信用卡去儲分！