【成日都講借貸免TU仲即批，係咪真係咁著數?!】

新手入門貸款成日都睇到唔洗TU報告，就可以即刻審批

係咪睇到一頭黑人問號❓🤣究竟TU係咩嚟

TU其實stands for TransUnion，即是環聯資訊有限公司嘅簡稱。TU係一間全球領先的信貸及資料管理公司，同時亦係全港唯一嘅消費者信貸資料機構，為消費者提供信貸報告， 評分同埋提示服務。

而信貸報告主要就係記錄曬你嘅所有借貸活動，包括提供貸款同信用卡畀你嘅公司名稱、借貸額度同貸款金額，仲有就係你嘅還款紀錄。最後總結整體借貸情況而得出一個信貸評分 (Credit Score)。

現時市面上有好多財務公司都會以唔洗TU審查去做gimmick去吸客，但係你哋有無諗過背後代表嘅意義呢？呢類型公司通常都係主要target一啲放債風險比較高嘅申請人，例如係

1️⃣ TU比較差

2️⃣曾經破產

3️⃣被blacklisted

即是講，會申請得免TU貸款嘅人都Credit Score比較差同埋申請唔到銀行同一線財務公司嘅貸款。所以好自然地，呢啲財務公司嘅貸款額就會細好多同埋息口亦都固之然係比較高啦❗️

同學們如果要申請免TU審查嘅貸款，記得要諗清諗楚係咪真係有呢個需要‼️

唔好因為一時覺得方便或者貪快就去申請呀❗️