保守型vs進取型投資

保守型 – 月供股票

有啲投資新手可能開始時冇足夠嘅資金去買股票，咁就可以試吓以月供股票嘅方式入市喇！月供股票姐係每個月定期俾錢銀行或證券行幫你買股票。只要你設定每月嘅投資金額同選擇買邊隻股票，銀行或證券行就會係指定日期幫你買喇！投資金額視乎你嘅budget，可以低至HKD$500-$1000！

依個方法比較保守，適合一啲仲未係好識投資同分析嘅新手同一啲唔想mon 住個市嘅懶人～但要留意嘅係銀行或證券行幫你買股票嘅時候需要收一定嘅手續費，如果每月只係供一千幾百蚊就可能唔太化算喇。同埋碎股價格可能會有折讓，投資收益比買正股嘅低。

進取型 – 借孖展炒股

到底咩係借孖展炒股呢？佢係指向經紀行借錢買股票，以你買入嘅股票作抵押品，以換取經紀行向你提供更多錢買更多嘅股票。咁樣做令到你嘅投資有槓桿倍大效果，簡單嚟講就係一贏就贏好多，但同理一輸就倍大咁輸！

依個方式屬於高風險投資，比較適合有研究股市動向嘅進取型投資者。

任何投資前記得衡量各方面嘅利弊同做足功課呀！