儲蓄小技巧

大學五件事，住hall，上莊，拍拖，樣樣都係支出，有冇發現自己嘅户口開始無哂錢？💸🥲

對於大學生嚟講，儲蓄真係好緊要㗎！等我推介幾個儲蓄小技巧幫下大家啦！🤑💰

💡記住「先儲蓄，後支出」

Intern, Part-time 對大家嘅應該都唔陌生，每個月嘅收入，你可以set 一個儲蓄目標俾自己，就例如喺出糧嘅時候，先將收入嘅10%用嚟儲蓄，再將淨低嘅收入作生活開支同消費。要記住呀，儲蓄係一個長期計劃，目標可以根據情況去上調，咁你成功儲錢嘅機會就大大增加👍📈

💡開一個「只進不出」嘅儲蓄户口

你亦都可以開一個只係作儲蓄用途嘅户口，將申請左嘅提款卡放喺屋企，或者交由屋企人去幫自己保管。一段日子之後，你自然會發現自己嘅儲蓄一路上升，繼續推動自己去儲更多更多嘅錢，有條理咁去管理自己嘅財政💪🆙

💡紀錄自己每日嘅開支

要儲到錢，喺日常生活開始改變都好重要㗎！由今日開始，你可以用記帳app 或者人手去mark 低自己嘅支出，小至lunch、八達通增值，大至shopping, 睇戲都一一mark低，等自己可以每一個月做一次review，改變自己嘅消費習慣，節省不必要嘅開支，咁你就會更多錢去儲蓄啦 🎁🤩