匯豐唔派息！究竟股息點計？！點解股民咁緊張派息呢？

投資股票有好多唔同玩法，一般嚟講比較穩陣保守嘅人就會傾向買藍籌收息，因為可以「進可供、退可守」」，甚至可能「財息兼收」，係好多退休人士嘅選擇！今年4月1號匯豐宣佈唔派息，引起好多股民嘅不滿，到底咩係派息？股息計算方法係咩呢？

咩係藍籌股？藍籌股特色係市值大、成交量大、表現穩定！香港嘅藍籌股票即恆生指數50隻成分股，由市值最大、最活躍嘅股票組成，反映港股表現。

咩係股息？股息 (dividend) ，即係公司將每年／季賺到嘅利潤分派畀股東嘅金額。所以只要你係股東，無論是係大手持有的嘅大股東，定係只持有一股嘅小股東，公司有息派的話，就會向你發放指定股息。以下先介紹幾個股息計算方法。

派息金額// 

即係每股派幾多錢作為股息，本地公司通常以港幣結算，派息會用港幣（每股幾多仙），如果用人民幣結算嘅內地企業，派息就會用人民幣。

派息比率// 

派息比率=派息金額/每股盈利 x 100%

公司每賺一元，就會派當中嘅百分之幾為股息嚟回饋股東。唔同企業有唔同嘅派息政策。派息多少未必同公司狀況直接相關。管理層可能因應經營環境、發展藍圖、預留資金等嚟到釐定派息政策，亦可能同管治質素有關。

股息率// 

股息率=過去12個月每股派息金額/股價 x 100%

股息率代表股東每投資1元可以收返多幾少股息。股息率與同股價係成反比，當股息唔變時，股價上升，股息率就會下跌，而股價下跌，股息率就會上升。所以，唔能夠單憑股息率高就買入股票，因為可能代表股價下跌，投資者需小心。

派息比率同股息率嘅分別？
對於投資者而言，股息率比派息比率更有參考價值，因為代表投資者每付出1元，可獲得多少股息回報。另外，由於股息率同股價相關，可反映該股現時嘅估值到底係平定係貴，係考慮一隻股份伙咪抵買時嘅指標之一。

所以大家入藍籌股嘅時候都要睇清楚，事關呢類藍籌股一手都唔平架，最少都要幾萬港幣！