咩係出糧戶口？又有咩考慮因素？

就嚟大學畢業，作為社會新鮮人去返工出糧💼，你又知唔知咩係出糧戶口？申請之前又有咩要注意呢🤔~

出糧戶口 (支薪戶口) 係用嚟收人工嘅活期存款戶口💰。

好多銀行為咗吸引新客戶開戶口就推出唔同嘅迎新優惠✨，例如現金回贈、里數回贈、特高活期存款利率同服務費豁免等。所以揀出糧戶口嗰時有3點要注意！

如果想享有出糧戶口迎新獎賞，記得留意自己嘅人工係咪符合要求啊。

有啲銀行唔接受非僱主之公司戶口存入嘅資金，所以如果公司已經有指定嘅收款銀行，而你又想用「常行指示轉賬」嘅方式將人工轉去其他銀行嘅出糧戶口，就未必可以符合到迎新要求啦。

註: 常行指示即是指戶口持有人就賬戶運作設定一種指示，例如係可以設定定時定額轉賬資金，就好似「出糧」咁。打工仔就可以利用常行指示轉賬，在銀行A出糧就享用咗個出糧戶口優惠，然後以常行指示將銀行A嗰份糧轉帳去銀行B，如果銀行B接納常行指示轉帳係符合

好多銀行嘅出糧戶口都有迎新出糧期。客戶要喺開戶口之後嘅指定期間每個月存人工去個出糧戶口度。如果唔係就有可能冇咗個迎新獎賞㗎啦~

唔同銀行嘅出糧戶口有唔同嘅要求或者獎賞，不妨花啲時間比較🧐，搵啱自己嘅出糧戶口啦。