慳錢tips令你脫離月光族

💡少啲買珍珠奶茶

每次出街都同朋友買珍珠奶茶，每朝都慣咗飲咖啡，每日廿幾蚊，積少成多，一個月就幾百成千蚊㗎啦！其實可以習慣吓飲即沖咖啡同茶包，一個月就可以慳返一半錢啦。

💡訂閱apps開支

你有冇訂閱啲電影、遊戲、音樂嘅付費apps？每個月俾幾十蚊，但其實有啲又唔係成日用到，咁就嘥錢又嘥GB，試吓取消訂閱啲冇用嘅付費apps，需要嗰陣先再訂閱返都得啫～

💡用記帳apps

呢個方法係最common又最basic嘅方法，習慣記低日常生活各樣開支，小至一包糖，大至電子產品，日常衣食住行都要記低，咁就可以由源頭入手了解自己日常嘅消費習慣，搵出自己真正要用嘅洗費，再set個quota俾其他娛樂或購物開支，咁剩低嘅錢就可以做儲蓄啦！

💡盡量使用現金

有無發現自己成日依賴咗碌卡或者電子支付apps，好似Payme、轉數快、Apple Pay呢啲？因為呢啲apps實在係太方便又快，無咗俾錢嗰種實感，自然就會好易洗大咗，所以由而家開始就盡量用現金俾錢啦！