成日講牛市、熊市！到底咩係牛熊證？

各位巴絲打相信都會見過唔少Post講牛、熊市，其實牛熊證係由投資銀行發行嘅衍生產品，於香港聯合交易所上市，牛熊市冇絕對嘅定義，當中可以理解為一段比較長時間嘅升/跌，有人會再細分做長期的牛/熊市、週期性牛/熊市，喺日常討論當中，通常講嘅都係週期性牛熊市。

.

牛熊市名稱嘅由來：

牛熊市源起自美國，有傳因為牛嘅眼睛永遠都向上望，而且跑起黎又強而有力，所以將股票升市比喻為牛市，而熊嘅眼睛經常向下望，身形笨重之餘行動都十分遲鈍，所以熊市會用黎形容為跌市。

.

牛熊證有咩特點？

牛熊證具有槓桿作用，附有強制性收回機制。

.

牛證：買入牛證即係等於睇好相關資產價格會上升，當相關資產價格愈高，牛證價值理論相應亦會上升，當牛證隨住相關資產股價上升，投資者可以沽出牛證，從而賺取相關資產股價上升嘅利潤。

.

熊證：熊證就啱啱同牛證相反，即係當你睇淡相關資產價格喺到期日之前會跌，當相關資產價格愈低，其熊市價值就提高，當熊證因為相關資產股價跌而上升時候，投資者可沽出熊證獲利。

.

而牛熊證設有強制性收回機制，呢個機制容許資產發行商喺牛熊證到期日之前，如果相關資產價值觸及收回價，發行商會即時收翻有關嘅牛熊證，即係代表牛熊證會提早到期並且終止喺市場上買賣，原定嘅到期日唔會再有效。投資者可能會因此即時損失大部分、甚至所有嘅資金，唔會等相關資產價格反彈嘅機會，即係如果你買入牛市，但係相關資產價格下跌，一直跌到收回價，發行商就會強制收回，你就會可能冇得等佢升翻從而獲利，可能亦會冇曬啲錢，而早前所介紹嘅窩輪就冇強制性收回機制

.

牛熊證嘅買賣方法

牛熊證嘅買賣方法同上市股票一樣，只需要擁有一般可買賣港股嘅證券戶口，無需設立孖展戶口。可發行牛熊證嘅相關資產數目比窩輪少，目前主要包括部份本地指數、藍籌股同交易所買賣基金(ETF)。港交所亦會每季公佈合資格相關資產名單，投資者可以喺港交所網站查閱。