月供股票
大學生除咗會透過兼職賺外快之外，唔少人都會希望嘗試吓投資。但畢章大學生嘅儲備唔多，喺投資股票上都會有困難。以恒生銀行（0011.HK）為例，每一手數量係100股，即係最少需要大約$19,000(按當日股價)先可以投資。對於大學生投資而言，呢個係一個令人有負擔嘅數字。正因如此，唔少大學生會轉向投資月供股票。
月供股票嘅好處係唔需要以一手為單位進行買賣，而同樣地，假如你想購入恒生嘅月供股票，手上只需要有$1000，而每間銀行嘅投資額都要有所不同。最低$500就可以入手一通投資者嘅月供股票。
投資方法：當你某銀行開設户口後，就可以選擇指定嘅月供股票。銀行會按照你嘅指示喺每月嘅特定時候投資，只要每個月繳付手續費就可以做到。但同時投資者要留意有無額外收費。
月供股票好處：
- 平均成本：月供股票計劃嘅其中一個賣點，就係利用「平均成本法」減低資產短期波動的風險。
- 賺取信用卡積分：市面上某啲銀行提供月供股票計劃，可以透過信用卡進行供款，儲信用卡積分。大學生又點可以錯過呢啲優惠呢。
- 節省時間：大學生投資普遍時間成本會較高，因為大學生翻學先係正職，好難長時間捕捉住個市升跌。而月股供票就可以幫你節省時間，降低理財嘅時間成本。