畢咗業無得再用學生信用卡?!

相個讀咗大學次後，大家都有至少一張或以上嘅學生信用卡揸手，因為唔洗年費之餘仲可以方便自已平時買嘢。但當你畢業之後，發卡銀行就會將你嘅學生信用卡轉為普通信用卡，仲有可能會收取年費添！

例如匯豐銀行嘅匯財金卡，當你畢業之後學生匯財金卡就會轉做普通嘅匯財金卡，開始收取每年$600年費。另外仲有星展銀行DBS COMPASS VISA 大專生信用卡、東亞銀行i-Titanium 學生卡同埋安信既WeWa銀聯卡等等，都會喺你哋畢業之後將學生信用卡變為普通信用卡。

如果唔想比銀行收取年費嘅話，就記得事先了解下自己張信用卡喺畢業之後嘅處理方法，睇下有無得每年waive咗個年費，如果無就要諗清楚想唔想要keep呢張信用卡啦！唔想keep就記得喺收取年費前取消張張信用卡啦！

如果你畢咗業搵到固定嘅工作同埋收入，更加可以申請有年薪要求嘅信用卡，因為呢啲信用卡多數都會比學生信用卡有更多嘅簽帳優惠同埋回贈，不過唔想煩嘅話都可以照舊用返原先嗰張學生信用卡㗎～

記住按返自己嘅經濟狀況同埋需要，對比返學生信用卡同埋普通信用卡嘅差別，簽帳優惠，同埋年費等等嘅詳細資料啦！