管理股票基金你又識幾多?!
投資途徑有好多，有啲人會選擇透過網上股票交易戶口或證券公司買入較為出名同可靠嘅大型企業股 (藍籌)。亦有啲投資者，特別係無咩時間研究股況嘅投資者，傾向買入管理股票基金以投資於股票。
咩係管理股票基金？
管理基金會將所有投資者嘅資金匯集埋一齊，再投資喺一個由專業投資經理監察嘅股票投資組合。市面上有多種管理基金可供選擇，並可分為兩大類：
- 被動型，投資經理嘅投資組合旨在跟隨指數投資，例如恒生指數
- 主動型，投資經理逐一挑選佢哋認為表現會優於大市嘅股份
主動型管理基金嘅典型例子包括：
a. 地區／國家基金
地區基金，例如亞太基金可投資喺香港、新加坡、中國同澳洲上市嘅股票，但唔可以持有歐美上市的嘅股份。同樣，國家基金只會投資喺該國家上市嘅股票。
b. 行業基金
投資個別行業嘅基金，例如科技或消費品。
c. 大型股基金
呢啲基金主要投資喺達到某個規模以上嘅大型公司，相對於小型發展中公司嘅表現更為穩定，並且比較有機會定期派息。
d. 小型股基金
呢類基金主要投資於喺規模較細嘅公司，增長潛力通常高於規模較大而且歷史悠久嘅公司。