網貸前要留神

學生理財

Online shopping就聽得多喇 但如果洗大咗 大家又會唔會借下貸款呢🤫 其實而家唔少網上貸款都係0露面 坊間某啲貸款公司甚至可以做到5分鐘批核添💰 但原來網上貸款都有唔少要注意既事項🤓 今日等小編帶個網貸checklist比大家🙆🏻‍♀️ 打算借網貸既朋友仔就記得要留意喇~

  1. 查詢放債人牌照：大家要留意，所有放債為業務既公司都一定要持有「放債人牌照」👤 ！

 

  1. 留意個人資料（私隱）政策：為咗保障雙方既利益，大部分既網貸都需要輸入大量既個人資料～但其實機構點用大家所提供既個人資料都好重要架👀

 

  1. 細心比較條款：由於網上申請貸款並冇有專人講解🙅🏻‍♀️，所以大家要仔細啲比較當中重要條款～例如係包括月平息、實際年利率、手續費、現金回贈等等💰 

 

  1. 留意網頁連接安全性：當你登入咗網上貸款平台嘅時候，其實可以留意下瀏覽器上嘅連接安全性狀態，如果狀態係顯示「不安全」，甚至「危險」，就博唔過喇🚫 ！

 

  1. 放債機構嘅寫字樓分行網絡：其實大家喺選擇網上貸款平台嘅時候，都可以留意下佢地所提供既寫字樓地址同埋分行網絡～如果連地址都無提供，咁呢間機構既申請嘅風險都會相對較高喇🤐 🤭

 

懶人包就睇完喇 係咪覺得網上貸款都係一門學問呢🤓 如果冇留意到一啲魔鬼細節，隨時得不償失呀😢！最後最後，大家喺借任何貸款之前都一定要審視返自己既還款能力😎

分享至：