美股有啲咩吸引力？

依排人人都講買美股依個topic🤔到底美股有啲咩咁特別，吸引咁多人去投資呢？

品牌熟悉度
經過上一年Tesla 驚人嘅升幅，相信好多人都想去分一杯羹😳美股除咗可以買Tesla 之外，仲有好多港人好熟悉嘅公司可以買如Apple 同Netflix 等，依啲熟悉嘅公司品牌令美股嘅投資吸引大增

入場門檻低
美股可以一股一股咁買！對比起港股需要最少起碼要買「一手」（ 100至5000股之間），美股嘅入場門檻明顯低好多！對於資金較少嘅人嚟講好吸引㗎😆

購買方便
依家科技咁發達，手機上隨時撳個掣就可以喺證券商到買到美股～已經唔洗去銀行開戶搞一大輪先買到🤔無論係本地證券商定美國嘅證券商，真係任君選擇～

依家人人口中都講買邊隻美股好，都係嗰句啦：投資涉及風險，要了解清楚你買嘅投資產品先好投資，同埋要考慮自己嘅風險承受能力。