股票知多啲

問題一：咩係股票？
：股票係將一個上市公司分成好多份?，你持有其中嘅一份或者幾份，你就係呢間公司嘅股東喇。而個一份值幾多少錢就係個隻股嘅股價。

問題二：股價點解會上漲或者下跌？
：假設市場到有我哋兩個人交易A股票，股票係我手嘅時候價格係每股100元。你睇好A股票嘅發展前景想係我手中買走，但我唔想用現價賣比你喎，所以你決定以101元收購。呢個時候股價就是101元喇。若果我都係唔賣，你決定再提高個價，報價102元，我同意賣出，呢個時候價格就係每股102元。
股價漲跌嘅開關喺市場手中，而市場就係由數千萬個股民????組成，市場中仲會有各種消息，呢啲消息作用在股民身上使股民做出買進或賣出的舉動，最後因為供求關係嘅唔平等就會影響個股價?。

問題三：咩係藍籌股？
藍籌股?係恆指指數成份股，以香港恆生指數為例，一啲大家好熟悉嘅上市公司(例如匯控、中移動、中海油、恆生、新地等等)就係藍籌股

問題四：咩係H股？
：啫係國企股⚫，係是指中國證監會審批後，批准到香港上市嘅國有企業。國企股喺香港上市，都係為咗喺香港股票市場籌集資金。由於要維持競爭力，喺香港上市既國企股質素都會比較好。

問題五：咩係紅籌股？
：係講緊公司喺中國大陸境外註冊，股票喺香港掛牌上市，帶有濃厚嘅中國概念股就係紅籌股?喇 。凡係由中資企業直接控制或者持有三成半股權以上嘅上市公司股份，都會稱為紅籌股。

問題六：咩係牛熊證?
：牛熊證⚪係一種反映相關資產表現嘅結構性產品，包括牛證同熊證。投資者可以按照對相關資產(e.g.股票、指數或者商品)嘅睇法，利用小量資金進行相應投資。與衍生權證相似，牛熊證係一種有杠桿作用嘅投資產品，投資者只需投資相對少量嘅資金就可以追蹤相關資產價格嘅表現。

問題七：咩係窩輪？
窩輪⚙係相關資產嘅衍生工具，通常由窩輪發行商發行，喺香港證券交易所買賣嘅一種期權合約。如果持有人喺規定嘅到期日內持有該窩輪，就代表持有人有權按約定嘅行使價向發行人購買或者出售該相關資產。而兩種基本窩輪就有「認購輪」同「認沽輪」。