財務自由好遙遠？一齊嚟計下！

近年好興「財務自由」依個term，但到底咩係財務自由呢？你又幾時可以達到依個目標？

財務自由簡單啲嚟講就係「唔優做」。即使冇咗打工或日常嘅收入都唔洗驚，唔需要為日常生活開支而工作嘅狀態。達到財務自由就可以投入更多精力同時間去做自己想做嘅嘢。而想要達到財務自由，有一樣嘢係非常重要！就係被動收入喇～

被動收入係唔需要投入太多時間同精力就得到嘅收入，通常係正職以外嘅收入嚟。例如離地少少嘅就係收租，或者係投資收息。甚至可能係你喺網上分享、寫blog 所得到嘅廣告收入 (Google Adsense)，同埋你創作所得嘅版權費都係被動收入嘅一部分。好自然地，被動收入越多離財務自由就越近。

即使冇咩被動收入都好啦，財務自由都可以靠儲錢而早日達成！

以下有一個網站可以計下自己幾時先到達財務自由嘅狀態，更方便自己設立理財同投資目標。入到網站後可以㩒佢個進階選項set 番香港嘅tax rate 同inflation rate (約2.74%），然後填埋其他資料就會出結果喇！

大家可以試下去計，佢可以幫助你設立理財目標比自己！當然啦計數同現實有啲差距，所以數據有參考價值但唔好過份執着佢個數字呀！

Financial Independence Early Retirement calculator