點解理財投資咁重要?!

成日聽到人哋話要及早理財，學識投資，但係點解理財投資咁重要？

喺講理財之前，想同大家講下「通脹」嘅影響？通脹指嘅係貨幣嘅流通數量膨脹咗，咁樣會令物價喺一段時間內連續上漲，所以每一蚊嘅價值就會因為物價上升而下降。而同樣數目嘅錢，可以買到嘅嘢當然就會變少咗，實質購買力下降，亦即喺「錢唔值錢」嘅現象。想要改變呢個結果，可以透過投資理財賺取複利，令總金額增加。

複利俗稱「利滾利」係指利息除咗會根據本金計算外，新得到嘅利息同樣可以生息，只要計算利息嘅周期越密，財富增長越快，而隨住年期越長，複利效應亦會越為明顯。

股神巴菲特講過：「人生就好似滾雪球一樣，重要嘅係要搵到濕嘅雪，同一道條夠長嘅山坡。」濕嘅雪即係好嘅投資目標，而長長嘅山坡代表將時間拉長。所以越早開始你就可以比其他人跑得越遠！